EthicsPoint (એથિક્સપૉઇન્ટ)નું લક્ષ્ય છે એ વાતની ખાતરી કરવી કે આપ આપનું અનામીપણું તેમજ ખાનગીપણું જાળવીને અનૈતિક અથવા ગેરકાયદે પ્રવૃત્તિઓને લગતા મુદ્દાઓ અને ચિંતાઓ વિશે સંસ્થાના વ્યવસ્થાપન અથવા સંચાલક મંડળ (બોર્ડ ઑફ ડિરેક્ટર્સ)ને જણાવી શકો. EthicsPoint (એથિક્સપૉઇન્ટ) એ યુનાઇટેડ સ્ટેટ્સના વાણિજ્ય વિભાગ દ્વારા યુરોપિયન યુનિયન (EU)ની ગુપ્તતા પહેલો અને અન્ય વૈશ્વિક ગુપ્તતા નિર્દેશો અંગેનો વહીવટ કરવા અમલમાં મૂકાયેલા સુરક્ષા ઉપાયો ધરાવતા હૉટલાઇન પ્રોવાઇડર તરીકે સુરક્ષિત સંગ્રહ માટે પ્રમાણિત (સેફ હાર્બર સર્ટિફાઇડ) છે.

અમે મુદ્દાઓ અને ચિંતાઓ અંગેનું રિપોર્ટિંગ શક્ય એટલું સરળ અને અજટિલ બનાવવાનો અથાગ પ્રયત્ન કરીએ છીએ. નીચેના વેબ પૃષ્ઠો દરેક પગલે આપનું ખાનગીપણું અને અનામીપણું જાળવતાં આપને સમગ્ર પ્રક્રિયા દરમિયાન માર્ગદર્શન પૂરું પાડશે. આપનો અહેવાલ સુપરત કરવા માટે આ પગલાં અનુસરો:

1. આપ જેને માટે અહેવાલ સુપરત કરી રહ્યા હો તે સંસ્થાનું નામ દાખલ કરો અને સાચો વિકલ્પ પસંદ કરો
2. આપ જેનું રિપોર્ટિંગ કરી રહ્યા હો તેને શ્રેષ્ઠ રીતે વર્ણવતા ઉલ્લંઘનના વર્ગ પર ક્લિક કરો
3. ‘‘શરતો’’ને સહમતિ આપો ત્યારબાદ ફૉર્મ પૂરું કરો
4. આપનો અહેવાલ સુપરત કરતા પહેલાં, આપના અહેવાલના અનુસરણ માટે એક પાસવર્ડ બનાવો.

આપનો અહેવાલ સુપરત કર્યા પછી આપને એક રિપોર્ટ કી ફાળવવામાં આવશે. આપનો પાસવર્ડ અને રિપોર્ટ કી આપના અહેવાલ અંગે આપને અનુસરણ કરવાની છૂટ આપશે.