Layunin ng NAVEX Global na siguruhing maiparating ninyo nang tapat at ligtas ang mga isyu at ikinababahala na nauugnay sa di-etikal o labag sa batas na mga gawain sa pangasiwaan o lupon ng mga direktor ng isang organisasyon habang pinananatili ninyo ang inyong kawalan ng pagkakakilanlan at pagkakompidensiyal.

Ang NAVEX Global ay sertipikado ng Safe Harbor sa pamamagitan ng Department of Commerce ng Estados Unidos bilang tagapagbigay ng numerong tatawagan na may nakatatag na mga paraan ng seguridad para tugunan ang mga inisyatibo ng EU sa pagkapribado at mga iba pang pandaigdigang direktiba sa pagkapribado.

Nagsisikap tayo para gawing diretsahan at di-komplikado hangga't maaari ang pagrereport ng mga isyu at ikinababahala. Gagabayan kayo ng mga sumusunod na web page sa kabuuan ng proseso habang pinananatili ang inyong pagkakompidensiyal at kawalan ng pagkakakilanlan sa bawat hakbang. Sundin ang mga hakbang na ito para isumite ang inyong report:

1. Ilagay ang pangalan ng organisasyon kung para kanino nagsusumite kayo ng report at piliin ang tamang opsyon
2. I-klik ang Kategorya ng Paglabag na pinaka-naglalarawan sa isyu na inirereport ninyo
3. Sumang-ayon sa "Mga Takda at Kondisyon" pagkatapos ay kumpletuhin ang form.
4. Bago isumite ang inyong ulat, gumawa ng password para i-follow up ang report ninyo.

Pagkatapos niyong isumite ang inyong ulat, bibigyan kayo ng report key. Pahihintulutan kayo ng inyong password at report key para i-follow up ang report ninyo.